យោងតាមការចុះផ្សាយពីប្រភពបរទេស ការសន្សំប្រាក់មិនមែនអាស្រ័យតែលើចំណូលទេ ប៉ុន្តែពាក់ព័ន្ធនឹងវិន័យ និងការគ្រប់គ្រងអារម្មណ៍ក្នុងការចំណាយផងដែរ។
១. កំណត់គោលដៅឱ្យច្បាស់
ដឹងថាខ្លួនសន្សំសម្រាប់អ្វី ដូចជា ទិញផ្ទះ រថយន្ត ឬទុកសម្រាប់អនាគត នឹងជួយឱ្យមានកម្លាំងចិត្តសន្សំ។
២. រង់ចាំមុនទិញរបស់មិនចាំបាច់
ប្រើច្បាប់ ៧២ ម៉ោង ដោយរង់ចាំ ៣ថ្ងៃមុនសម្រេចចិត្តទិញ ដើម្បីជៀសវាងការចំណាយតាមអារម្មណ៍។
៣. មានមិត្តរួមគោលដៅ
ចែករំលែកគោលដៅសន្សំជាមួយមិត្ត ឬសមាជិកគ្រួសារ ដើម្បីជួយលើកទឹកចិត្ត និងរំលឹកគ្នា។
៤. កាត់បន្ថយការជំរុញឱ្យចំណាយ
កាត់បន្ថយការមើលការផ្សព្វផ្សាយ និងកម្មវិធីទិញទំនិញអនឡាញដែលអាចធ្វើឱ្យចង់ទិញរបស់មិនចាំបាច់។
៥. ផ្តល់រង្វាន់ខ្លួនឯងដោយមិនចំណាយច្រើន
ជ្រើសរើសការសម្រាក ដើរលេង ឬធ្វើសកម្មភាពដែលខ្លួនចូលចិត្ត ជំនួសការទិញរបស់ថ្មីៗ។
៦. ទុកថវិកាសម្រាប់ការកម្សាន្ត
កុំរឹតត្បិតខ្លួនឯងខ្លាំងពេក។ គួរបែងចែកប្រាក់មួយចំនួនសម្រាប់ភាពរីករាយ ដើម្បីឱ្យអាចសន្សំបានយូរ។
៧. សន្សំតិចៗ ប៉ុន្តែជាប្រចាំ
កំណត់ចំនួនប្រាក់សន្សំជាប្រចាំពីប្រាក់ចំណូល ហើយសន្សំមុនពេលចាប់ផ្តើមចំណាយ។
សរុបមក ការសន្សំប្រាក់ឱ្យបានជោគជ័យ គឺការរក្សាតុល្យភាពរវាង វិន័យក្នុងការចំណាយ ការសន្សំ និងការរស់នៅប្រកបដោយភាពរីករាយ៕