យោងតាមការចុះផ្សាយពីប្រភពបរទេស មនុស្សជាច្រើនច្រឡំថា ពងមាន់ដែលដាក់លក់នៅក្រៅទូទឹកកក គួរយកមកទុកក្រៅផ្ទះដូចគ្នា។ ប៉ុន្តែសម្រាប់អាកាសធាតុក្តៅ និងសើម ការរក្សាទុកពងមាន់ក្នុង ទូទឹកកក គឺជាជម្រើសដែលមានសុវត្ថិភាពជាង។
សំបកពងមាន់ស្រស់មានស្រទាប់ការពារធម្មជាតិមួយដែលជួយបិទរន្ធតូចៗលើសំបក និងរារាំងភាពកខ្វក់និងបាក់តេរីមិនឱ្យចូលទៅខាងក្នុង។ ដូច្នេះ គួរជៀសវាងការលាងពងមាន់មុនពេលរក្សាទុក ព្រោះអាចបំផ្លាញស្រទាប់ការពារនេះ។
វិធីរក្សាទុកដែលគួរអនុវត្ត គឺដាក់ពងមាន់ក្នុងប្រអប់ដើម ហើយរក្សាទុកនៅ ផ្នែកខាងក្នុងនៃទូទឹកកក ជាជាងដាក់នៅទ្វារទូទឹកកក ព្រោះតំបន់ទ្វារមានការប្រែប្រួលសីតុណ្ហភាពញឹកញាប់ពេលបើកបិទទូ។
ប្រសិនបើសំបកមានកខ្វក់ គួរជូតសម្អាតដោយក្រណាត់ស្ងួត ឬក្រដាសស្អាត។ ប្រសិនបើចាំបាច់លាង គួរលាងនៅពេលជិតយកមកចម្អិន ហើយចម្អិនភ្លាមៗ។
ការរក្សាពងមាន់ឱ្យត្រជាក់ជាប់លាប់ អាចជួយពន្យារភាពស្រស់ និងកាត់បន្ថយការរីកលូតលាស់នៃបាក់តេរីដែលអាចបង្កជំងឺពុលអាហារ។
សរុប៖ សម្រាប់អាកាសធាតុក្តៅ គួរយកពងមាន់ទៅដាក់ក្នុងទូទឹកកកឱ្យបានឆាប់ បន្ទាប់ពីទិញមក ហើយ កុំលាងមុនពេលរក្សាទុក។ ការរក្សាទុកត្រឹមត្រូវមិនត្រឹមជួយឱ្យពងស្រស់បានយូរប៉ុណ្ណោះទេ ប៉ុន្តែថែមទាំងជួយបង្កើនសុវត្ថិភាពចំណីអាហារសម្រាប់គ្រួសារផងដែរ៕