មូលនិធិគន្ធបុប្ផាកម្ពុជា បានប្រកាសកាលពីថ្ងៃទី១២ ខែសីហានេះដោយបានចេញសារមួយពញាក់ឲ្យស្រ្តីមានផ្ទៃពោះប្រុងប្រយ័ត្ននឹង ជំងឺគ្រុនឈាម ។
មូលនិធិនេះបានអះអាងថា មកដល់ថ្ងៃជូនដំណឹងនេះ ស្រ្តីមានផ្ទៃពោះយ៉ាងហោចណាស់ ១២នាក់ មានជំងឺគ្រុនឈាម ត្រូវបានមន្ទីរពេទ្យគន្ធបុប្ផាសៀមរាបជួយសម្រាល និងសង្រ្គោះជីវិត។
សូមប្រុងប្រយ័ត្ន ស្រ្តីមានផ្ទៃពោះអាចមានគ្រោះថ្នាក់ដោយសារតែជំងឺគ្រុនឈាម ។
ស្ត្រីមានផ្ទៃពោះត្រូវបានគេដឹងថា អាចមានហានិភ័យខ្ពស់ជាងមនុស្សទូទៅ ប្រសិនបើឆ្លងជំងឺគ្រុនឈាម ។ នៅក្នុងអំឡុងពេលមានផ្ទៃពោះ ហើយឆ្លងជំងឺគ្រុនឈាមស្រ្តីអាចគ្រោះថ្នាក់ហូរឈាមខ្លាំង ដោយសារតែកម្រិតបា្លកែត និងប្រព័ន្ធកំណកឈាមប្រែប្រួលខ្លាំង ។ ស្រ្តីមានផ្ទៃពោះក៏អាចនឹងបាត់បង់សារធាតុរាវចេញពីសរសៃឈាម ដែលអាចធ្វើឲ្យសម្ពាធឈាមធ្លាក់ និងកើតអាការៈគាំងបេះដូង ។
ក្រៅពីនោះជំងឺគ្រុនឈាមអាចបង្កឲ្យទារកសម្រាលមុនកំណត់ ទម្ងន់កំណើតទារកទាប ហើយបើករណីធ្ងន់វាក៏អាចនឹងបង្កហានិភ័យដល់ជីវិតទារកផងដែរ
ការប្រុងប្រយ័ត្ន!
ព័ត៌មាននេះគ្រាន់តែជាចំណេះដឹងទូទៅប៉ុណ្ណោះ។ បើសិនជាអ្នកមានបញ្ហាសុខភាពមិនប្រក្រតីណាមួយ សូមមេត្តាទៅជួបពិគ្រោះជាមួយគ្រូពេទ្យជំនាញ ដើម្បីទទួលបានការធ្វើរោគវិនិច្ឆ័យ និងការព្យាបាលត្រឹមត្រូវ៕