យោងតាមការចុះផ្សាយពីប្រភពបរទេស ការជួយខ្លួនឯង គឺជាសកម្មភាពផ្លូវភេទធម្មជាតិដែលអាចជួយដល់សុខភាពផ្លូវកាយ និងផ្លូវចិត្ត ប្រសិនបើធ្វើក្នុងកម្រិតសមរម្យ និងមានអនាម័យល្អ។ វាអាចជួយបន្ថយភាពតានតឹង ធ្វើឱ្យរាងកាយសម្រាក និងអាចជួយឱ្យគេងបានស្រួលជាងមុន។
លើសពីនេះ វាជួយឱ្យបុរសស្គាល់ និងយល់ពីរាងកាយរបស់ខ្លួនកាន់តែច្បាស់ ដែលអាចជួយបង្កើនទំនុកចិត្ត និងការប្រាស្រ័យទាក់ទងជាមួយដៃគូក្នុងជីវិតផ្លូវភេទ។
ការឈានដល់ចំណុចកំពូលក៏អាចបញ្ចេញសារធាតុមួយចំនួនដែលជួយឱ្យមានអារម្មណ៍ធូរស្រាល និងក្នុងមនុស្សមួយចំនួន អាចជួយបន្ថយអារម្មណ៍ឈឺចាប់មួយចំនួនផងដែរ។ ការជួយខ្លួនឯងតែម្នាក់ឯងក៏មិនបង្កឱ្យមានការមានផ្ទៃពោះ ឬការឆ្លងជំងឺកាមរោគពីដៃគូឡើយ។
ចំពោះសុខភាពក្រពេញប្រូស្តាត មានការសិក្សាមួយចំនួនបានរកឃើញទំនាក់ទំនងរវាងការបញ្ចេញទឹកកាមជាប្រចាំ និងការថយចុះហានិភ័យមហារីកក្រពេញប្រូស្តាត ប៉ុន្តែភស្តុតាងមិនមានន័យថាការជួយខ្លួនឯងអាចការពារមហារីកបានដោយផ្ទាល់នោះទេ។
អ្វីដែលសំខាន់គឺត្រូវរក្សាឱ្យបាននូវភាពសមរម្យ។ ប្រសិនបើការជួយខ្លួនឯងចាប់ផ្តើមរំខានដល់ការងារ ការសិក្សា ការគេង ឬទំនាក់ទំនងជាមួយអ្នកដទៃ គួរពិចារណាកាត់បន្ថយ។ ត្រូវលាងដៃ និងរក្សាអនាម័យឱ្យបានល្អ ហើយមិនគួរបង្ខំខ្លួនឯងឱ្យធ្វើ ប្រសិនបើមិនមានបំណង៕
ការប្រុងប្រយ័ត្ន!
ព័ត៌មាននេះគ្រាន់តែជាចំណេះដឹងទូទៅប៉ុណ្ណោះ។ បើសិនជាអ្នកមានបញ្ហាសុខភាពមិនប្រក្រតីណាមួយ សូមមេត្តាទៅជួបពិគ្រោះជាមួយគ្រូពេទ្យជំនាញ ដើម្បីទទួលបានការធ្វើរោគវិនិច្ឆ័យ និងការព្យាបាលត្រឹមត្រូវ៕