អ្នកចូលចិត្តសាច់អាំង គួរប្រុងប្រយ័ត្ន! ៣ ទម្លាប់ពេលចម្អិនសាច់ ដែលអាចប៉ះពាល់ដល់សុខភាព

យោងតាមការចុះផ្សាយពីប្រភពបរទេស សាច់អាំងជាអាហារដែលមានរសជាតិឆ្ងាញ់ ប៉ុន្តែវិធីចម្អិនខ្លះអាចបង្កើនសារធាតុដែលមិនល្អសម្រាប់សុខភាព។ ដូច្នេះ គួរប្រុងប្រយ័ត្នចំពោះទម្លាប់ ៣ យ៉ាងខាងក្រោម។

ទី១ អាំងសាច់រហូតដល់ឆេះខ្មៅ

ការចម្អិនសាច់នៅសីតុណ្ហភាពខ្ពស់រយៈពេលយូរ ជាពិសេសនៅពេលសាច់ឆេះខ្មៅ អាចបង្កើតសារធាតុមួយចំនួន ដូចជា HCA និង PAH ដែលត្រូវបានសិក្សាថាអាចបង្កការខូចខាត DNA និងមានទំនាក់ទំនងជាមួយហានិភ័យមហារីក។ ដូច្នេះ គួរប្រើកម្តៅមធ្យម កូរឬត្រឡប់សាច់ឱ្យញឹកញាប់ និងកុំឱ្យសាច់ឆេះខ្មៅ។

ទី២ ប្រើភ្លើងខ្លាំងពេក ដើម្បីឱ្យសាច់ឆាប់ស្ងួត

ការប្រើភ្លើងខ្លាំងអាចធ្វើឱ្យផ្នែកខាងក្រៅសាច់ឆេះលឿន ខណៈខាងក្នុងអាចមិនទាន់ឆ្អិនល្អ។ ជាពិសេសសាច់ដែលមានខ្លាញ់ច្រើន អាចបញ្ចេញខ្លាញ់ចូលខ្ទះ និងបង្កើតផ្សែងនៅពេលក្តៅខ្លាំង។ គួរប្រើកម្តៅមធ្យម និងគ្រប់គ្រងពេលវេលាចម្អិនឱ្យបានសមស្រប។

ទី៣ ចូលចិត្តញ៉ាំផ្នែកសាច់ដែលឆេះខ្មៅ

ផ្នែកសាច់ដែលឆេះខ្មៅ ឬមានក្លិនឆ្អើរខ្លាំង មិនមានអត្ថប្រយោជន៍អាហារូបត្ថម្ភពិសេសនោះទេ ហើយគួរកាត់ចេញ ឬកាត់បន្ថយការទទួលទាន។ ចំណែកសាច់ដែលមានពណ៌ត្នោតចាស់
និងក្លិនឈ្ងុយ មិនមានន័យថាសាច់ត្រូវបានដុតខ្លោចឡើយ។

ដើម្បីញ៉ាំសាច់អាំងឱ្យមានសុវត្ថិភាពជាងមុន គួរចៀសវាងការប្រើកម្តៅខ្លាំងពេក កុំឱ្យសាច់ឆេះខ្មៅ និងកុំឱ្យខ្លាញ់បង្កើតផ្សែង។ ការកាត់សាច់ជាបំណែកសមរម្យ និងគ្រប់គ្រងកម្តៅនិងពេលវេលាចម្អិន ក៏អាចជួយឱ្យសាច់ឆ្អិនស្មើគ្នា និងកាត់បន្ថយការបង្កើតសារធាតុដែលមិនចង់បាន៕