យោងតាមការចុះផ្សាយពីប្រភពបរទេស អ្នកដែលចូលចិត្តអាហារសម្រន់ ដូចជា អាហារចៀន និងភេសជ្ជៈផ្អែម គួរដឹងជាមុនថា តើការចង់ញ៉ាំកើតចេញពី ភាពឃ្លានពិតប្រាកដ ឬគ្រាន់តែចង់ញ៉ាំ។ ប្រសិនបើឃ្លានពិត អាចបណ្តាលមកពីអាហារពេលមេមិនឆ្អែត ឬមិនមានសារធាតុចិញ្ចឹមគ្រប់គ្រាន់។ ក្នុងករណីនេះ គួរជ្រើសរើសអាហារតិចៗដែលមានបន្លែ និងប្រូតេអ៊ីន ជំនួសការញ៉ាំអាហារសម្រន់ដែលមានកាឡូរីខ្ពស់។
ប្រសិនបើគ្រាន់តែចង់ញ៉ាំ គួរសង្កេតមូលហេតុថា តើបណ្តាលមកពីចង់បានរសជាតិជាក់លាក់ ឬដោយឃើញអ្នកដទៃកំពុងញ៉ាំ។ ការយល់ពីមូលហេតុអាចជួយគ្រប់គ្រងការញ៉ាំបានល្អជាងមុន។
នៅពេលជ្រើសរើសអាហារសម្រន់ គួរជៀសវាងអាហារដែលមាន ជាតិស្ករ ម្សៅចម្រាញ់ ខ្លាញ់ ឆ្អែត និងសារធាតុផ្អែមសិប្បនិម្មិត ច្រើន។ អាចជ្រើសរើសធញ្ញជាតិពេញគ្រាប់ ដូចជាគ្រាប់ធញ្ញជាតិ ទឹកដោះគោ សណ្តែក ផ្លែឈើ បន្លែ ឬភេសជ្ជៈដែលមានប្រូតេអ៊ីន។
សម្រាប់ផ្លែឈើ គួរជ្រើសរើសប្រភេទមានជាតិស្ករទាប ដូចជា តាសក់ ក្រូច ក្រូចឆ្មារ និងក្រូចថ្លុង ហើយកាត់បន្ថយផ្លែឈើដែលមានជាតិស្ករខ្ពស់ ដូចជា ទុរេន មៀន ស្វាយ និងខ្នុរ។
បរិមាណអាហារសម្រន់ក៏សំខាន់ដែរ។ គួរញ៉ាំត្រឹមប្រហែល មួយបាតដៃ ដើម្បីកុំឱ្យទទួលបានកាឡូរីលើសតម្រូវការ។ ពេលវេលាដែលសមស្របសម្រាប់អាហារសម្រន់ គឺក្រោយអាហារមេ និងមុនពេលហាត់ប្រាណ ដោយជ្រើសរើសបរិមាណតិច និងអាហារដែលមានសារធាតុចិញ្ចឹម៕