​ពាក់ស្បែកជើងចូលផ្ទះ ល្អឬអាក្រក់? នេះជាមូលហេតុដែលជនជាតិអាមេរិកជាច្រើននៅតែធ្វើ

យោងតាមការចុះផ្សាយពីប្រភពបរទេស ទោះមនុស្សជាច្រើនយល់ថា ការពាក់ស្បែកជើងចូលផ្ទះមិនស្អាតក៏ដោយ ប៉ុន្តែសម្រាប់ជនជាតិអាមេរិកជាច្រើន វាជាទម្លាប់ដែលកើតឡើងពីវប្បធម៌ ភាពងាយស្រួល និងតម្រូវការសុខភាព។ ការស្ទង់មតិរបស់ CBS News បង្ហាញថា ប្រហែល ៣៧% នៃជនជាតិអាមេរិកនៅតែពាក់ស្បែកជើងក្នុងផ្ទះ។

មនុស្សមួយចំនួនយល់ថា ការពាក់ស្បែកជើងជួយការពារជើង និងផ្តល់ការគាំទ្រដល់អ្នកដែលមានបញ្ហាបាតជើង ឬឈឺជើង។ ប៉ុន្តែ អ្នកជំនាញព្រមានថា បាតស្បែកជើងអាចនាំបាក់តេរី និងមេរោគពីខាងក្រៅចូលក្នុងផ្ទះ។

ជារួម ការពាក់ ឬដោះស្បែកជើងក្នុងផ្ទះ អាស្រ័យលើវប្បធម៌ ទម្លាប់រស់នៅ និងស្ថានភាពសុខភាពរបស់មនុស្សម្នាក់ៗ។ ទោះជាយ៉ាងណា ប្រសិនបើចង់រក្សាអនាម័យក្នុងផ្ទះ ការដោះស្បែកជើងនៅមាត់ទ្វារ និងប្តូរមកពាក់ស្បែកជើងសម្រាប់ក្នុងផ្ទះ គឺជាជម្រើសល្អ៕