យោងតាមការចុះផ្សាយពីប្រភពបរទេស តែបៃតងលាយក្រូចឆ្មារ សម្បូរទៅដោយសារធាតុប្រឆាំងអុកស៊ីតកម្ម ដូចជា EGCG វីតាមីន C និង Quercetin ដែលអាចជួយការពារកោសិកាពីការខូចខាត និងបន្ថយការរលាកក្នុងរាងកាយ។
ការសិក្សាមួយចំនួនបង្ហាញថា ការទទួលទានភេសជ្ជៈនេះជាប្រចាំ អាចជួយគ្រប់គ្រងទម្ងន់ ដោយជំរុញការរំលាយអាហារ និងការដុតបំផ្លាញជាតិខ្លាញ់។ លើសពីនេះ វាក៏អាចជួយគ្រប់គ្រងកម្រិតជាតិស្ករក្នុងឈាម គាំទ្រសុខភាពបេះដូង ពង្រឹងសុខភាពខួរក្បាល និងអាចជួយកាត់បន្ថយហានិភ័យនៃជំងឺមហារីកមួយចំនួន តាមរយៈសកម្មភាពរបស់សារធាតុប្រឆាំងអុកស៊ីតកម្ម។
ទោះជាយ៉ាងណា តែបៃតងលាយក្រូចឆ្មារ គួរតែទទួលទានជាផ្នែកមួយនៃរបបអាហារមានតុល្យភាព និងរបៀបរស់នៅដែលមានសុខភាពល្អ។ វាមិនមែនជាភេសជ្ជៈដែលអាចព្យាបាល ឬការពារជំងឺដោយផ្ទាល់នោះទេ៕