យោងតាមការចុះផ្សាយពីប្រភពបរទេស ការហាត់ Gym មិនត្រឹមត្រូវអាចប៉ះពាល់ដល់កម្រិតតេស្ដេរ៉ូនដែលជាអ័រម៉ូនសំខាន់សម្រាប់សាច់ដុំ កម្លាំង និងសុខភាពផ្លូវភេទរបស់បុរស។ អ្នកជំនាញបញ្ជាក់ថា កំហុសដែលគេជួបញឹកញាប់មាន ហាត់ខ្លាំងពេកដោយមិនសម្រាកគ្រប់គ្រាន់, ផ្តោតតែលើ Cardio មិនសូវហាត់ទម្ងន់ និង របបអាហារខ្វះសារធាតុចិញ្ចឹម ជាពិសេសខ្លាញ់ល្អ និងថាមពលគ្រប់គ្រាន់។ ទម្លាប់ទាំងនេះអាចបង្កើនអ័រម៉ូនស្ត្រេស និងរារាំងការផលិតតេស្ដេរ៉ូន។
ដើម្បីរក្សាកម្រិតតេស្ដេរ៉ូនឱ្យល្អ អ្នកជំនាញណែនាំឱ្យគេង ៧–៨ ម៉ោងក្នុងមួយយប់ ហាត់ប្រាណប្រមាណ ៤–៥ ដងក្នុងមួយសប្តាហ៍ ដោយបន្សំការហាត់ទម្ងន់ជាមួយ Cardio ឱ្យសមស្រប បរិភោគអាហារដែលមានប្រូតេអ៊ីន ខ្លាញ់ល្អ និងកាបូអ៊ីដ្រាតគ្រប់គ្រាន់ ព្រមទាំងផឹកទឹកឱ្យបានគ្រប់ និងជៀសវាងការបង្ខំខ្លួនហាត់នៅពេលរាងកាយអស់កម្លាំង៕