យោងតាមការចុះផ្សាយពីប្រភពបរទេស អ្នកជំនាញសុខភាពណែនាំថា ទម្លាប់នៅពេលល្ងាចអាចជះឥទ្ធិពលដល់ហានិភ័យដាច់សរសៃឈាមខួរក្បាល។ ដើម្បីថែរក្សាសុខភាព គួរជៀសវាង ៤ ទម្លាប់ រួមមាន៖ ញ៉ាំអាហារពេលយប់យឺត, ស្ត្រេសខ្លាំង, អង្គុយឬដេកមិនសូវធ្វើចលនា និង គេងយប់ជ្រៅជាប្រចាំ។ ទម្លាប់ទាំងនេះអាចបង្កឱ្យសម្ពាធឈាមខ្ពស់ រំខានដល់ការរំលាយអាហារ និងបង្កើនហានិភ័យជំងឺបេះដូង និងដាច់សរសៃឈាមខួរក្បាល។
ដើម្បីកាត់បន្ថយហានិភ័យ អ្នកជំនាញណែនាំឱ្យញ៉ាំអាហារពេលល្ងាចឱ្យបានឆាប់ ដើរប្រហែល ២០ នាទីក្រោយអាហារ រកវិធីបន្ធូរអារម្មណ៍ដូចជាអានសៀវភៅ ឬធ្វើសមាធិ និងគេងឱ្យបាន ៧–៨ ម៉ោង ជាប្រចាំ។ ទម្លាប់សាមញ្ញទាំងនេះអាចជួយការពារសុខភាពបេះដូង និងខួរក្បាលបានយ៉ាងមានប្រសិទ្ធភាព៕