អ្នកកំពុងមានទម្លាប់ទាំងនេះទេ? ៣ប្រការដែលមនុស្សភាគច្រើនធ្វើរៀងរាល់ថ្ងៃ ដោយមិនដឹងថាវាបំផ្លាញសុខភាព

នៅក្នុងជីវិតរស់នៅប្រចាំថ្ងៃ យើងតែងតែធ្វើសកម្មភាពជាច្រើនដោយស្វ័យប្រវត្តិ រហូតក្លាយជា ទម្លាប់ ។ ប៉ុន្តែ អ្នកប្រហែលជាមិនធ្លាប់ដឹងទេថា ទម្លាប់សាមញ្ញៗមួយចំនួនដែលយើងគិតថាគ្មានបញ្ហានោះ កំពុងតែបំផ្លាញសុខភាពរាងកាយ និងខួរក្បាលរបស់យើងបន្តិចម្តងៗពីមួយថ្ងៃទៅមួយថ្ងៃ។

ខាងក្រោមនេះជា ទម្លាប់បំផ្លាញសុខភាពទាំង ៣ យ៉ាង ដែលមនុស្សភាគច្រើនតែងតែមើលរំលង៖

១. ចុចទូរស័ព្ទភ្លាមៗពេលភ្ញាក់ពីគេង និងមុនពេលចូលគេង

ការអនុវត្តខុស៖ មនុស្សជាច្រើនមានទម្លាប់លូកដៃចាប់យកទូរស័ព្ទមកអូសមើលបណ្តាញសង្គម ឬអ៊ីមែល ទាំងនៅពេលបើកភ្នែកភ្ញាក់ពីគេង និងពេលកំពុងទម្រេតខ្លួនរៀបគេង។

ផលប៉ះពាល់ ៖ ពេលព្រឹក៖ ការទទួលបានព័ត៌មានច្រើនភ្លាមៗ ធ្វើឱ្យខួរក្បាលស្រេ្តស (Stress) និងបង្កើតសម្ពាធផ្លូវចិត្តតាំងពីដើមថ្ងៃ។

ពេលយប់៖ ពន្លឺពណ៌ខៀវ (Blue light) ពីអេក្រង់ទូរស័ព្ទ ទប់ស្កាត់ការបញ្ចេញអ័រម៉ូន Melatonin (អ័រម៉ូនជំនួយការគេង) ធ្វើឱ្យអ្នកពិបាកគេងលក់ គេងមិនស្កប់ស្កល់ និងចុះខ្សោយប្រព័ន្ធការពាររាងកាយ។

២. អង្គុយធ្វើការយូរពេក ដោយមិនផ្លាស់ប្តូរឥរិយាបថ (Sedentary Behavior)

ការអនុវត្តខុស៖ ការអង្គុយធ្វើការ ឬមើលអេក្រង់ជាប់គ្នាច្រើនម៉ោងដោយមិនបានក្រោកឈរ ពត់ពន្លាតខ្លួន ឬដើររំលែកអារម្មណ៍។

ផលប៉ះពាល់៖ ការអង្គុយយូរពេក ធ្វើឱ្យលំហូរឈាមរត់មិនបានល្អ, បង្កជាជំងឺចុកប្រអប់ជើង ឬកញ្ចឹងក-ខ្នងរ៉ាំរ៉ៃ (Office Syndrome), បង្កើនហានិភ័យនៃជំងឺបេះដូង, ជំងឺទឹកនោមផ្អែម និងការឡើងទម្ងន់ដោយមិនដឹងខ្លួន។

៣. ផឹកទឹកតិច ឬចាំដល់ស្រែកទឹកទើបផឹក

ការអនុវត្តខុស៖ មនុស្សភាគច្រើនរវល់នឹងការងាររហូតភ្លេចផឹកទឹក ហើយចាំទាល់តែមានអារម្មណ៍ថា “ស្រែកទឹកខ្លាំង” ទើបស្វែងរកទឹកផឹក។

ផលប៉ះពាល់៖ អារម្មណ៍ស្រែកទឹក គឺជាសញ្ញាចុងក្រោយដែលរាងកាយបញ្ជាក់ថា “កំពុងខ្សោះជាតិទឹក”។ ការខ្វះជាតិទឹកបន្តិចបន្តួចជារៀងរាល់ថ្ងៃ នឹងធ្វើឱ្យអ្នកឆាប់អស់កម្លាំង, ឈឺក្បាល, ទល់លាមក, ស្បែកស្ងួតប្រេះ និងធ្វើឱ្យតម្រងនោមធ្វើការធ្ងន់ធ្ងរក្នុងការចម្រោះជាតិពុល។