យោងតាមការចុះផ្សាយពីប្រភពបរទេស ស៊ុតជាអាហារសម្បូរប្រូតេអ៊ីន វីតាមីន និងសារធាតុចិញ្ចឹមសំខាន់ៗដែលជួយដល់ខួរក្បាល ភ្នែក និងសាច់ដុំ។
អ្នកជំនាញបញ្ជាក់ថា សម្រាប់មនុស្សមានសុខភាពល្អ ការញ៉ាំស៊ុត ១-២គ្រាប់ក្នុងមួយថ្ងៃ មិនបង្កគ្រោះថ្នាក់ទេ ប្រសិនបើរបបអាហារទាំងមូលមានជាតិខ្លាញ់ឆ្អែតទាប។ ជាទូទៅ ការញ៉ាំប្រហែល ៧គ្រាប់ក្នុងមួយសប្ដាហ៍ គឺជាកម្រិតដែលងាយអនុវត្ត និងសមស្រប។ អ្នកដែលមានកូឡេស្តេរ៉ុលខ្ពស់ ទឹកនោមផ្អែម ឬហានិភ័យជំងឺបេះដូង គួរពិគ្រោះជាមួយវេជ្ជបណ្ឌិត និងគួរញ៉ាំស៊ុតជាមួយបន្លែ ផ្លែឈើ ឬអាហារសម្បូរជាតិសរសៃ ដើម្បីទទួលបានអត្ថប្រយោជន៍សុខភាពកាន់តែប្រសើរ៕