យោងតាមការចុះផ្សាយពីប្រភពបរទេស អ្នកជំនាញសុខភាពបញ្ជាក់ថា ការផ្លាស់ប្តូរតូចៗលើផ្ទៃមុខអាចជាសញ្ញាបង្ហាញពីបញ្ហាខាងក្នុងរាងកាយ ប៉ុន្តែមិនអាចប្រើជាការធ្វើរោគវិនិច្ឆ័យជំងឺដោយខ្លួនឯងបានទេ។ ការសិក្សាថ្មីៗដោយប្រើបច្ចេកវិទ្យា AI ក៏កំពុងស្រាវជ្រាវពីទំនាក់ទំនងរវាងការផ្លាស់ប្តូររូបរាងមុខ និងហានិភ័យសុខភាព។
សញ្ញា ៧យ៉ាងដែលគួរយកចិត្តទុកដាក់រួមមាន ការខុសគ្នាភ្លាមៗរវាងមុខសងខាង ដូចជាមាត់វៀច ឬមុខធ្លាក់ អាចជាសញ្ញាជំងឺដាច់សរសៃឈាមខួរក្បាល, ស្នាមជ្រួញថ្ងាសជ្រៅខុសធម្មតាអាចពាក់ព័ន្ធនឹងហានិភ័យសរសៃឈាមបេះដូង, ស្បែកមុខនិងភ្នែកឡើងលឿងអាចបង្ហាញពីបញ្ហាថ្លើមឬផ្លូវទឹកប្រមាត់, មុខហើមជាពិសេសត្របកភ្នែកអាចទាក់ទងនឹងបញ្ហាតម្រងនោម, ស្នាមជ្រីវជ្រួញនៅស្លឹកត្រចៀកអាចពាក់ព័ន្ធនឹងជំងឺសរសៃឈាមបេះដូង និងការផ្លាស់ប្តូរពណ៌បបូរមាត់អាចបង្ហាញពីបញ្ហាខ្វះឈាម ឬខ្វះអុកស៊ីសែន។
អ្នកជំនាញណែនាំថា ប្រសិនបើមានការផ្លាស់ប្តូរមិនធម្មតាដែលបន្តយូរ ឬភ្ជាប់ជាមួយរោគសញ្ញាផ្សេងៗ គួរទៅពិនិត្យវេជ្ជបណ្ឌិតឱ្យបានឆាប់។ ការពិនិត្យសុខភាពទៀងទាត់ និងរក្សារបៀបរស់នៅល្អ នៅតែជាវិធីសំខាន់បំផុតក្នុងការការពារជំងឺ៕