យោងតាមការចុះផ្សាយពីប្រភពបរទេស អ្នកជំនាញបញ្ជាក់ថា ទឹកត្រីជ្រលក់អាចទុកប្រើបន្តបានមួយយប់ ប្រសិនបើនៅស្អាត និងរក្សាទុកបានត្រឹមត្រូវ។ ប៉ុន្តែ ដោយសារទឹកត្រីជ្រលក់តែងលាយជាមួយ ទឹក ស្ករ ក្រូច ខ្ទឹម និងម្ទេស ហើយអាចមានកម្ទេចអាហារ ឬបាក់តេរីពីការជ្រលក់អំឡុងពេលញ៉ាំ វាងាយខូចជាងទឹកត្រីសុទ្ធ ប្រសិនបើទុកនៅសីតុណ្ហភាពបន្ទប់យូរពេក។
អ្នកជំនាញណែនាំថា បិទគម្របឱ្យជិត ដាក់ទុកក្នុងទូទឹកកកភ្លាមៗបន្ទាប់ពីបរិភោគ និងប្រើឱ្យអស់ក្នុងរយៈពេល ១–២ថ្ងៃ។ ប្រសិនបើទឹកត្រីមានកម្ទេចអាហារច្រើន មានក្លិន ឬទុកក្រៅទូទឹកកកជាច្រើនម៉ោង គួរបោះចោល។ ដើម្បីកាត់បន្ថយការខ្ជះខ្ជាយ និងរក្សាគុណភាព គួរលាយទឹកត្រីត្រឹមបរិមាណដែលត្រូវប្រើក្នុងមួយពេល៕