ប្រយ័ត្ន! អាហារពេលព្រឹក ៣ មុខនេះ អាចធ្វើឱ្យធាត់ដោយមិនដឹងខ្លួន

​យោងតាមការចុះផ្សាយពីប្រភពបរទេស​ អ្នកជំនាញអាហារូបត្ថម្ភព្រមានថា អាហារពេលព្រឹកដែលគេគិតថា “Healthy” មួយចំនួន ដូចជា ​ទឹកផ្លែឈើច្របាច់ ធញ្ញជាតិញ៉ាំភ្លាមៗ​និងយ៉ាអួរសជាតិផ្លែឈើ​ អាចមានជាតិស្ករ និងកាឡូរីខ្ពស់ជាងការរំពឹងទុក ដោយសារតែបន្ថែមស្ករ ស៊ីរ៉ូ ឬសារធាតុផ្អែមផ្សេងៗក្នុងការកែច្នៃ។

អ្នកជំនាញណែនាំឱ្យជ្រើសរើស ​ផ្លែឈើស្រស់ជំនួសទឹកផ្លែឈើ ធញ្ញជាតិគ្រាប់ពេញមិនបន្ថែមស្ករ និងយ៉ាអួរធម្មជាតិគ្មានជាតិស្ករ​ ព្រមទាំងអានស្លាកគ្រឿងផ្សំមុនទិញ។ អាហារពេលព្រឹកដែលមានតុល្យភាព គួរមានកាបូអ៊ីដ្រាត ប្រូតេអ៊ីន ខ្លាញ់ល្អ និងបន្លែ ឬផ្លែឈើ ដើម្បីផ្តល់ថាមពល និងជួយគ្រប់គ្រងជាតិស្ករក្នុងឈាមបានល្អ៕