យោងតាមការចុះផ្សាយពីប្រភពបរទេស ព័ត៌មានដែលថា ការកាន់ទូរស័ព្ទដោយប្រើកូនម្រាមដៃទ្រជាប្រចាំ អាចធ្វើឱ្យម្រាមដៃកោង ឬខូចទ្រង់ទ្រាយ កំពុងរីករាលដាលលើបណ្តាញសង្គម។
ទោះជាយ៉ាងណា អ្នកជំនាញផ្នែកវះកាត់ឆ្អឹង និងការសិក្សាវិទ្យាសាស្ត្របច្ចុប្បន្ន បញ្ជាក់ថា នៅមិនទាន់មានភស្តុតាងគ្រប់គ្រាន់ ដែលបង្ហាញថា ទម្ងន់ទូរស័ព្ទអាចបង្កឱ្យឆ្អឹងកូនម្រាមដៃខូចទ្រង់ទ្រាយបាននោះទេ។
ទោះបីជាយ៉ាងនេះក៏ដោយ ការកាន់ទូរស័ព្ទខុសឥរិយាបថ ឬយូរពេក អាចបង្កឱ្យឈឺសាច់ដុំ រលាកសរសៃពួរ រឹងសន្លាក់ ឬស្ពឹកម្រាមដៃ។ ដើម្បីកាត់បន្ថយហានិភ័យ អ្នកជំនាញណែនាំឱ្យកាន់ទូរស័ព្ទដោយដៃទាំងពីរ សម្រាកដៃជាប្រចាំ និងប្រើឧបករណ៍ជំនួយឬចិញ្ចៀនកាន់ទូរស័ព្ទ ដើម្បីកាត់បន្ថយសម្ពាធលើកូនម្រាមដៃ និងកដៃ៕