យោងតាមការចុះផ្សាយពីប្រភពបរទេស អ្នកជំនាញព្រមានថា ការចុះខ្សោយមុខងារថ្លើមអាចមិនបង្ហាញរោគសញ្ញាច្បាស់លាស់នោះទេ ហើយសញ្ញាមួយចំនួនងាយត្រូវច្រឡំថាជាភាពចាស់ ឬអស់កម្លាំងធម្មតា។
សញ្ញាដែលគួរប្រុងប្រយ័ត្នរួមមាន ស្បែកស្រអាប់ ឬភ្នែកលឿង, បាត់បង់ចំណង់អាហារ ហើមពោះ ឬរាករ៉ាំរ៉ៃ, អស់កម្លាំងជាប់រហូត, ងាយហូរឈាម ឬជាំ និងទឹកនោមពណ៌លឿងចាស់, ព្រមទាំងឈឺចុកផ្នែកខាងស្តាំលើពោះ ឬមានសរសៃឈាមរាងដូចសំបុកពីងពាងលើស្បែក។
វេជ្ជបណ្ឌិតបញ្ជាក់ថា សញ្ញាទាំងនេះមិនមែនមានន័យថាជាជំងឺថ្លើមជាក់លាក់ទេ ព្រោះអាចបណ្តាលមកពីមូលហេតុផ្សេងទៀត។ ប៉ុន្តែប្រសិនបើមានរោគសញ្ញាច្រើនកើតឡើងព្រមគ្នា ឬបន្តយូរ គួរទៅពិនិត្យសុខភាព ដើម្បីធ្វើតេស្តមុខងារថ្លើម និងទទួលការព្យាបាលទាន់ពេលវេលា។ ការកាត់បន្ថយគ្រឿងស្រវឹង រក្សាទម្ងន់សមស្រប និងពិនិត្យសុខភាពជាប្រចាំ ក៏ជាវិធីសំខាន់ក្នុងការថែរក្សាថ្លើមផងដែរ៕