យោងតាមការចុះផ្សាយពីប្រភពបរទេស អ្នកជំនាញផ្នែកដំណេកណែនាំថា អ្នកដែលមានទម្លាប់បើកភ្លើងគេងពេញមួយយប់ គួរជ្រើសរើសភ្លើងដែលមានពន្លឺស្រទន់ មិនភ្លឺចាំងពេក និងគួរប្រើពន្លឺពណ៌លឿងក្តៅ ជំនួសពន្លឺពណ៌សដែលអាចរំខានដល់ការបញ្ចេញអ័រម៉ូនមេឡាតូនីនជួយឱ្យងងុយគេង។
លើសពីនេះ គួរដាក់ភ្លើងនៅទីតាំងដែលមិនបាញ់ពន្លឺចំភ្នែក និងប្រើមុខងារកំណត់ពេលបិទ ឬភ្លើងស្វ័យប្រវត្តិ ប្រសិនបើមិនចាំបាច់បើកពេញមួយយប់។ សម្រាប់មនុស្សពេញវ័យដែលមានសុខភាពល្អ ការគេងក្នុងបន្ទប់ងងឹតនៅតែជាជម្រើសល្អបំផុត ដើម្បីទទួលបានដំណេកដែលមានគុណភាព៕