យោងតាមការចុះផ្សាយពីប្រភពបរទេស វេជ្ជបណ្ឌិតជំនាញតម្រងនោមនៅតៃវ៉ាន់ បានព្រមានថា អាហារកែច្នៃដូចជា ប្រហិត សាច់ក្រឡុក មី ស៊ុប និងអាហារចៀន អាចមានសារធាតុ ផូស្វាតខ្ពស់ពីសារធាតុបន្ថែមក្នុងការផលិត។ ការបរិភោគជាប្រចាំអាចបង្កើនហានិភ័យកំណកកំបោរនៅសរសៃឈាម និងដាក់សម្ពាធលើតម្រងនោម។
ករណីបុរសអាយុ ៣៥ ឆ្នាំម្នាក់ ដែលមិនជក់បារី មិនផឹកស្រា និងរស់នៅបែបសុខភាពល្អ ប៉ុន្តែទទួលទានអាហារកែច្នៃជារៀងរាល់ថ្ងៃ ត្រូវបានធ្វើរោគវិនិច្ឆ័យថា មានជំងឺខ្សោយតម្រងនោមដំណាក់កាលទី៣។ បន្ទាប់ពីកាត់បន្ថយអាហារដែលមានផូស្វាត និងព្យាបាលតាមវេជ្ជបញ្ជា ស្ថានភាពតម្រងនោមរបស់គាត់បានប្រសើរឡើងយ៉ាងច្បាស់។
អ្នកជំនាញណែនាំឱ្យកាត់បន្ថយអាហារកែច្នៃ ជ្រើសរើសអាហារស្រស់ធម្មជាតិ និងផឹកទឹកឱ្យបានគ្រប់គ្រាន់ ដើម្បីជួយការពារតម្រងនោម និងកាត់បន្ថយហានិភ័យជំងឺបេះដូង៕