យោងតាមការចុះផ្សាយពីប្រភពបរទេស អ្នកជំនាញណែនាំថា ស្ត្រីគួរយកចិត្តទុកដាក់លើការថែរក្សាអនាម័យក្រោយរួមភេទ ដោយជៀសវាងទម្លាប់មួយចំនួនដូចជា ជូតតំបន់ឯកជនដោយក្រដាសអនាម័យដែលមិនស្អាត ប៉ះពាល់ខ្យល់ត្រជាក់ខ្លាំងភ្លាមៗ និងងូតទឹកភ្លាមៗ។ គួរសម្អាតដោយទឹកស្អាត ឬទឹកក្ដៅឧណ្ហៗយ៉ាងទន់ភ្លន់ និងទុកពេលឱ្យរាងកាយសម្រាកប្រហែល ១០–១៥ នាទី មុនងូតទឹក។
អ្នកជំនាញបញ្ជាក់ថា មិនមានភស្តុតាងវិទ្យាសាស្ត្រច្បាស់ថាទម្លាប់ទាំងនេះអាច “បំផ្លាញស្បូន” ដោយផ្ទាល់ទេ ប៉ុន្តែការរក្សាអនាម័យមិនត្រឹមត្រូវអាចបង្កហានិភ័យរលាក ឬបញ្ហាសុខភាពផ្លូវបន្តពូជ។ ប្រសិនបើមានសញ្ញាដូចជា រដូវមិនទៀងទាត់ ឈឺអាងត្រគាក ឈឺ ឬហូរឈាមក្រោយរួមភេទ និងទឹករំអិលមានភាពខុសធម្មតា គួរទៅពិគ្រោះជាមួយគ្រូពេទ្យឱ្យបានឆាប់៕