យោងតាមការចុះផ្សាយពីប្រភពបរទេស ដំឡូងជ្វាសម្បូរជាតិសរសៃ និងវីតាមីន ជួយឱ្យឆ្អែតយូរ និងគ្រប់គ្រងជាតិស្ករក្នុងឈាមបានល្អ។ ប៉ុន្តែ ការញ៉ាំតែដំឡូងជ្វាជាអាហារពេលព្រឹកជាប្រចាំ ដើម្បីសម្រកទម្ងន់ អាចបណ្ដាលឱ្យខ្វះប្រូតេអ៊ីន និងខ្លាញ់ល្អ ដែលរាងកាយត្រូវការ។
យូរទៅអាចធ្វើឱ្យអស់កម្លាំង ខ្សោយប្រព័ន្ធភាពស៊ាំ និងខ្វះសារធាតុចិញ្ចឹម។ ដើម្បីសុខភាពល្អ គួរញ៉ាំដំឡូងជ្វារួមជាមួយស៊ុត ទឹកដោះគោ ឬគ្រាប់ធញ្ញជាតិ ដើម្បីទទួលបានអាហារូបត្ថម្ភគ្រប់គ្រាន់៕