សុខភាព៖ យោងតាមការចុះផ្សាយពីប្រភពបរទេស ការសិក្សាមួយនៅសហរដ្ឋអាម៉េរិកលើមនុស្សជាង ៨៤.០០០នាក់ បានរកឃើញថា អ្នកដែលមានទម្លាប់គេងមិនទៀងទាត់ ដោយពេលគេងប្រែប្រួលលើសពី ៦០នាទីក្នុងមួយថ្ងៃ មានហានិភ័យកើតជំងឺទឹកនោមផ្អែមប្រភេទទី២ កើនឡើងរហូតដល់ ៣៤% បើធៀបនឹងអ្នកដែលគេង និងភ្ញាក់ក្នុងម៉ោងថេរ។
អ្នកជំនាញបញ្ជាក់ថា ការគេងមិនទៀងទាត់អាចរំខានដល់នាឡិកាជីវសាស្ត្រ និងការរំលាយអាហាររបស់រាងកាយ។ ដូច្នេះ ការគេងឱ្យបានគ្រប់គ្រាន់ និងរក្សាម៉ោងគេងឱ្យទៀងទាត់ជារៀងរាល់ថ្ងៃ គឺជាវិធីសំខាន់មួយក្នុងការកាត់បន្ថយហានិភ័យជំងឺទឹកនោមផ្អែម៕