សុខភាព៖ យោងតាមការចុះផ្សាយពីប្រភពបរទេស អ្នកជំនាញព្រមានថា ការចាស់នៃសន្លាក់ជង្គង់កើតឡើងយឺតៗ និងអាចមិនបង្ហាញរោគសញ្ញាច្បាស់រហូតដល់ស្ថានភាពធ្ងន់ធ្ងរ។
សញ្ញាព្រមាន ៥ យ៉ាងដែលមិនគួរមើលរំលងរួមមាន៖ ឈឺ ឬទន់ជង្គង់ពេលឡើងចុះជណ្ដើរ, សន្លាក់រឹងបន្ទាប់ពីអង្គុយយូរ ឬទើបភ្ញាក់ពីគេង, ឈឺជង្គង់ពេលអាកាសធាតុត្រជាក់ ឬប្រែប្រួល, ជង្គង់ហើម ឬមានដុំពករឹងខុសប្រក្រតី និងការឈឺខ្លាំងនៅពេលយប់ ឬសន្លាក់ជាប់គាំង។ អ្នកលើសទម្ងន់ អ្នកលេងកីឡាដែលប្រើកម្លាំងលើជង្គង់ច្រើន និងស្ត្រីក្រោយអស់រដូវ គឺជាក្រុមប្រឈមខ្ពស់។
ការហាត់ប្រាណសមស្រប គ្រប់គ្រងទម្ងន់ និងពិនិត្យសុខភាពទាន់ពេលវេលា អាចជួយពន្យារការខូចសន្លាក់ និងរក្សាចលនារាងកាយឱ្យបានយូរ៕