យោងតាមាការចុះផ្សាយពីប្រភពបរទេស អ្នកជំនាញបញ្ជាក់ថា ទាំងការរត់ ៣០ នាទីនៅពេលព្រឹក និងការដើរ ៦០ នាទីនៅពេលល្ងាច សុទ្ធតែផ្តល់អត្ថប្រយោជន៍ដល់សុខភាព ប៉ុន្តែមានគោលបំណងខុសគ្នា។ ការរត់ពេលព្រឹកជួយពង្រឹងបេះដូង សាច់ដុំ ដុតកាឡូរី និងបង្កើនថាមពលសម្រាប់មួយថ្ងៃ។ ចំណែកការដើរពេលល្ងាចជួយបន្ធូរអារម្មណ៍ កាត់បន្ថយស្ត្រេស ជួយរំលាយអាហារ និងគេងលក់ស្រួល។
អ្នកជំនាញណែនាំថា មិនមានលំហាត់ណាល្អជាងដាច់ខាតនោះទេ ព្រោះជម្រើសល្អបំផុតគឺលំហាត់ប្រាណដែលសមស្របនឹងសុខភាព និងអាចអនុវត្តបានជាប្រចាំ ដោយជៀសវាងការហាត់ប្រាណហួសកម្រិតដែលអាចបង្ករបួសដល់រាងកាយ៕