ជាតិស្ករក្នុងឈាមឡើងខ្ពស់ខុសប្រក្រតី ស្បែករបស់អ្នកនឹងបង្ហាញសញ្ញាទាំងនេះភ្លាម!

មនុស្សភាគច្រើនតែងតែគិតថា ជំងឺទឹកនោមផ្អែម ឬបញ្ហាជាតិស្ករក្នុងឈាមឡើងខ្ពស់ អាចដឹងទៅបានលុះត្រាតែធ្វើការតេស្តឈាម ឬនៅពេលមានអាការៈនោមញឹក និងស្រេកទឹកខ្លាំងតែប៉ុណ្ណោះ។ ប៉ុន្តែ តាមពិតទៅ «ស្បែក» គឺជាកញ្ចក់ឆ្លុះបញ្ចាំងពីសុខភាពខាងក្នុងដ៏រហ័សបំផុត។ នៅពេលដែលកម្រិតជាតិស្ករក្នុងរាងកាយរបស់អ្នកកើនឡើងខ្ពស់ខុសប្រក្រតី វានឹងហុយសញ្ញាព្រមានមកលើស្បែកភ្លាមៗ។

ប្រសិនបើលោកអ្នក ឬមនុស្សក្បែរខ្លួនមានសញ្ញាស្បែកប្លែកៗទាំងនេះ ដាច់ខាតមិនត្រូវមើលរំលងឡើយ៖

១. ស្បែកឡើងពណ៌ក្រម៉ៅខុសធម្មតា

ជាសញ្ញាទូទៅ និងងាយកត់សម្គាល់បំផុត។ លោកអ្នកនឹងសង្កេតឃើញមាន ឡើងផ្ទាំងខ្មៅស្រអាប់ ក្រាស់ ឬមានសភាពទន់ខុសប្លែកពីស្បែកធម្មតា នៅត្រង់តំបន់ដែលមានផ្នត់ស្បែក ដូចជា៖

-ជុំវិញកញ្ចឹងក (មើលទៅដូចជាក្អែលខាន់ស្លារ កកកុញ ដុសមិនជ្រះ)

-ក្រលៀន និងនៅក្រោមឃ្លៀក

-ត្រង់សន្លាក់ម្រាមដៃ ឬកែងដៃ។

២. ស្បែកស្ងួតខ្លាំង និងរមាស់មិនបាត់

ទោះបីជាអាកាសធាតុមិនត្រជាក់ ឬលោកអ្នកបានលាបឡេថែរក្សាស្បែកហើយក៏ដោយ ក៏ស្បែកនៅតែមានសភាពស្ងួត ស្រកា និងរមាស់រំខានជានិច្ច ជាពិសេសនៅត្រង់ស្មងជើង និងប្រអប់ជើង។

៣. ដំបៅ ឬរបួសតូចតាច ក្រសះស្បើយខុសធម្មតា

នៅពេលមានសត្វល្អិតខាំ រលាត់ស្បែក ឬមុតបន្តិចបន្តួច របួសទាំងនោះមិនងាយស្ងួត ឬសះស្បើយឡើយ បែរជាមានសភាពហើមក្រហម ឬក្លាយទៅជាដំបៅរលួយយូរថ្ងៃ។ សញ្ញានេះគ្រោះថ្នាក់ខ្លាំងណាស់ ព្រោះវាអាចទៅជាការឆ្លងមេរោគកម្រិតធ្ងន់។

៤. ឡើងដុំពកតូចៗពណ៌លឿង ឬក្រហម

ស្បែកចាប់ផ្តើមឡើងដុំពកតូចៗ មើលទៅស្រដៀងនឹងមុន ប៉ុន្តែវាមានពណ៌លឿងស្រដៀងក្រមួន និងមានរង្វង់ក្រហមជុំវិញ ។ ពួកវាច្រើនតែដុះឡើងនៅត្រង់តំបន់គូទ កែងដៃ ក្បាលជង្គង់ ឬខ្នងដៃ ហើយអាចបង្កឱ្យមានអាការៈរមាស់ខ្លាំង ។

៥. ងាយឆ្លងមេរោគលើស្បែក និងផ្សិត

អ្នកដែលមានជាតិស្ករក្នុងឈាមខ្ពស់ តែងតែជួបប្រទះបញ្ហាស្បែកឆ្លងមេរោគញឹកញាប់ ដូចជា៖

-កើតបូស ឬមុនខ្ទុះធំៗ ដែលបង្កការឈឺចាប់

-ឆ្លងមេរោគផ្សិត (ជាពិសេសស្រុតស្បែកនៅក្រោមសុដន់ ចន្លោះម្រាមដៃ ម្រាមជើង និងតំបន់ដៅដី) ដែលបង្កឱ្យឡើងកន្ទួលក្រហម ផ្សា និងរមាស់ខ្លាំង។

ស្បែកប្រែប្រួល គឺជារលកសញ្ញាដែលរាងកាយកំពុងដង្ហោយប្រាប់ថាសរីរាង្គខាងក្នុងមានបញ្ហា។ ប្រសិនបើលោកអ្នកជួបប្រទះសញ្ញាទាំងនេះ សូមប្រញាប់ទៅជួបគ្រូពេទ្យជំនាញ ដើម្បីធ្វើការពិនិត្យឈាម វាស់កម្រិតជាតិស្ករ (HbA1c) និងទទួលការព្យាបាលឱ្យបានត្រឹមត្រូវ កុំទុកឱ្យឈានដល់ដំណាក់កាលជំងឺទឹកនោមផ្អែមបំផ្លាញសរីរាង្គដទៃទៀត!