យោងតាមការចុះផ្សាយពីប្រភពបរទេស អ្នកជំនាញបានឱ្យដឹងថា បុរសជាច្រើនតែងគិតថា ការឈឺខ្នង និងអស់កម្លាំង គឺជាសញ្ញានៃ «ខ្សោយតម្រងនោម» ហើយប្រញាប់ប្រើផលិតផលបំប៉នផ្សេងៗ។
ទោះយ៉ាងណា បញ្ហានេះអាចពាក់ព័ន្ធនឹងទម្លាប់រស់នៅ និងការថែទាំសុខភាពមិនត្រឹមត្រូវ។ វេជ្ជបណ្ឌិតណែនាំឱ្យបុរសយកចិត្តទុកដាក់សម្អាត និងថែរក្សា តំបន់ចង្កេះ និងតំបន់ក្រលៀន ពេលងូតទឹក ព្រោះតំបន់ទាំងនេះងាយប្រឈមនឹងការឈឺសាច់ដុំ ការប្រមូលផ្តុំញើស និងបាក់តេរី។ លើសពីនេះ គួរជៀសវាងការងូតទឹកខុសវិធី ដូចជាដុសស្បែកខ្លាំងពេក ប្រើទឹកក្តៅខ្លាំង ឬពឹងផ្អែកលើផលិតផលបំប៉នដោយខ្លួនឯង ដោយគ្មានការណែនាំពីវេជ្ជបណ្ឌិត៕