យោងតាមការចុះផ្សាយពីប្រភពបរទេស បុរសវ័យ ៤៣ ឆ្នាំម្នាក់ បានបោះបង់ការព្យាបាលជំងឺទឹកនោមផ្អែមតាមវេជ្ជបញ្ជា ហើយផឹកទឹកស្លឹកត្របែកជារៀងរាល់ថ្ងៃ បន្ទាប់ពីជឿព័ត៌មានចែករំលែកលើបណ្ដាញសង្គម។
បន្ទាប់ពីរយៈពេល ៣ ខែ កម្រិតជាតិស្ករក្នុងឈាមរបស់គាត់បានកើនជិតទ្វេដង ព្រមទាំងកើតផលវិបាកដូចជា ខូចបាតភ្នែក និងលើសសម្ពាធឈាម។ វេជ្ជបណ្ឌិតបញ្ជាក់ថា ស្លឹកត្របែកអាចជួយគាំទ្រការគ្រប់គ្រងជាតិស្ករក្នុងឈាមបានខ្លះ ប៉ុន្តែមិនអាចជំនួសថ្នាំព្យាបាលជំងឺទឹកនោមផ្អែមដែលមានភស្តុតាងវិទ្យាសាស្ត្របានឡើយ៕