យោងតាមការចុះផ្សាយពីប្រភពបរទេស ការសិក្សាមួយបានបង្ហាញថា បុរសដែលមានកម្លាំងក្តាប់ដៃខ្លាំង ដែលជាសូចនាករនៃសាច់ដុំរឹងមាំ មានហានិភ័យទាបជាងក្នុងការកើតបញ្ហាងាប់លិង្គ ជាពិសេសចំពោះអ្នកវ័យចំណាស់ អ្នកធាត់ និងអ្នកមានជំងឺទឹកនោមផ្អែម។
អ្នកជំនាញពន្យល់ថា ការហាត់ប្រាណជាប្រចាំ និងការរក្សាសាច់ដុំរឹងមាំ អាចជួយបង្កើនលំហូរឈាម គាំទ្រការផលិតអុកស៊ីដនីទ្រីក និងធ្វើឱ្យមុខងារផ្លូវភេទប្រសើរឡើង។ ទោះជាយ៉ាងណា កម្លាំងក្តាប់ដៃមិនអាចប្រើជាវិធីវិនិច្ឆ័យសមត្ថភាពផ្លូវភេទដោយផ្ទាល់បានទេ ហើយបញ្ហាងាប់លិង្គក៏អាចជាសញ្ញាព្រមាននៃជំងឺបេះដូង ឬជំងឺទឹកនោមផ្អែម ដែលគួរទៅពិនិត្យជាមួយវេជ្ជបណ្ឌិត៕