យោងតាមការចុះផ្សាយពីប្រភពបរទេស ការសិក្សារបស់សាកលវិទ្យាល័យ Birmingham ក្នុងប្រទេសអង់គ្លេស ការរួមភេទតាមមាត់បានក្លាយជាមូលហេតុចម្បងនៃការកើនឡើងនៃជំងឺមហារីកបំពង់កក្នុងរយៈពេល ២ ទសវត្សរ៍ចុងក្រោយនេះ ដែលពាក់ព័ន្ធយ៉ាងខ្លាំងទៅនឹងមេរោគ HPV។
ការស្រាវជ្រាវបានបង្ហាញថា អ្នកដែលមានដៃគូផ្លូវភេទចាប់ពី ៦ នាក់ឡើងទៅ និងមានទម្លាប់រួមភេទតាមមាត់ មានហានិភ័យកើតជំងឺមហារីកបំពង់កខ្ពស់ជាងអ្នកដែលមិនធ្លាប់អនុវត្តទម្លាប់នេះរហូតដល់ ៨,៥ ដង។
ទោះបីជាប្រព័ន្ធភាពស៊ាំរបស់មនុស្សភាគច្រើនអាចកម្ចាត់មេរោគនេះបានដោយខ្លួនឯងក៏ដោយ ប៉ុន្តែក្នុងករណីដែលប្រព័ន្ធភាពស៊ាំចុះខ្សោយ មេរោគអាចបង្កជាមហារីកបាន។ ដូច្នេះ ការចាក់វ៉ាក់សាំងការពារមេរោគ HPV ទាំងសម្រាប់ស្ត្រី និងបុរស ត្រូវបានចាត់ទុកជា “ខែល” ដ៏មានប្រសិទ្ធភាពបំផុតក្នុងការទប់ស្កាត់ការឆ្លង និងកាត់បន្ថយហានិភ័យនៃជំងឺមហារីកប្រភេទនេះ៕