យោងតាមការចុះផ្សាយពីប្រភពបរទេស បាយកកមិនបង្កគ្រោះថ្នាក់ដោយខ្លួនឯងទេ ប៉ុន្តែបាក់តេរីក្នុងស្រូវអាចកកើតនិងបញ្ចេញជាតិពុល ប្រសិនបើទុកដាក់ខុស។
កំហុសចម្បងគឺការទុកបាយចោលនៅសីតុណ្ហភាពបន្ទប់យូរម៉ោង ឬទម្លាប់កម្ដៅបាយដដែលៗច្រើនដងក្នុងមួយថ្ងៃ ដែលធ្វើឱ្យបាក់តេរីងាយកកើតនិងប៉ះពាល់ដល់សុខភាព ជាពិសេសកុមារនិងមនុស្សចាស់។
ដើម្បីសុវត្ថិភាព គួរចម្អិនឱ្យល្មមញ៉ាំ បន្ទាប់ពីសល់ត្រូវទុកក្នុងប្រអប់បិទជិតរួចប្រញាប់ដាក់ក្នុងទូរទឹកកកភ្លាម ព្រមទាំងកម្ដៅឱ្យបានឆ្អិនល្អត្រឹមតែម្ដងមុនពេលបរិភោគ ហើយត្រូវបោះបាយចោលបើមានក្លិនឬសភាពខុសប្រក្រតី។
ការទុកដាក់អាហារឱ្យបានត្រឹមត្រូវតាមក្បួនអនាម័យ គឺជាគន្លឹះការពារសុខភាពគ្រួសារ៕