យោងតាមការចុះផ្សាយពីប្រភពបរទេស ការរក្សាសម្រស់និងរាងកាយឱ្យនៅក្មេងជាងវ័យ មិនមែនទាមទារឱ្យចំណាយលុយទិញផលិតផលថ្លៃៗនោះទេ តែវាអាស្រ័យលើទម្លាប់នៃការរស់នៅប្រចាំថ្ងៃ។ នេះជាការអះអាងរបស់លោកស្រី ម៉ារី អិល. ម៉ាងហ្សាំង វ័យ ៥៧ ឆ្នាំ ដែលបានចែករំលែកអាថ៌កំបាំងផ្ទាល់ខ្លួនធ្វើឱ្យមនុស្សគ្រប់គ្នាភ្ញាក់ផ្អើលយ៉ាងខ្លាំង។
ភាពស្រស់ស្អាតនិងក្មេងជាងវ័យរបស់លោកស្រី ធ្វើឱ្យអ្នកជិតខាងនិងអ្នកទូទៅយល់ច្រឡំថាជាសង្សាររបស់កូនប្រុសអាយុ ២៦ ឆ្នាំរបស់គាត់ទៅវិញ។
យោងតាមលោកស្រី ម៉ារី អាថ៌កំបាំងនៃភាពក្មេងខ្ចីនេះ គឺការអនុវត្តទម្លាប់សាមញ្ញៗប្រចាំថ្ងៃដូចជា៖ការទទួលទានទឹកនិងការសរសេរកំណត់ហេតុនៅពេលព្រឹកដើម្បីស្មារតីស្រស់ស្រាយ។ ការហាត់យូហ្គា ព្រមទាំងសមាធិដើម្បីឱ្យអារម្មណ៍ស្ងប់ល្អ។
ការអនុវត្តរបបអាហារសាមញ្ញដោយផ្ដោតលើការចម្អិនអាហារទទួលទានដោយខ្លួនឯង។ ការហាត់ប្រាណបែបកីឡាខារីអូ និងការលើកទម្ងន់ជាប្រចាំ ដើម្បីបង្កើនកម្លាំងនិងសុខភាពខួរក្បាល។
លោកស្រីបានបញ្ជាក់បន្ថែមថា ការផ្លាស់ប្ដូរទម្លាប់តូចតាចទាំងនេះរួមផ្សំជាមួយនឹងការស្រឡាញ់សុខភាព គឺជាកត្តាដ៏អស្ចារ្យដែលជួយឱ្យរូបរាងកាយនិងស្បែកស្រស់ថ្លាឡើងវិញដោយស្វ័យប្រវត្តិ៕