យោងតាមការចុះផ្សាយពីប្រភពបរទេស នារីអាយុ ២៦ ឆ្នាំម្នាក់បានរងគ្រោះថ្នាក់ដាច់សរសៃឈាមខួរក្បាលនិងស្លាប់មួយចំហៀងខ្លួនភ្លាមៗ ក្រោយពីបានទៅម៉ាស្សាបំបាត់ការឈឺចាប់កនិងស្មា។ គ្រូពេទ្យបានបញ្ជាក់ថា មូលហេតុគឺបណ្ដាលមកពីបុគ្គលិកម៉ាស្សាប្រើកម្លាំងសង្កត់ខ្លាំងពេកលើកញ្ចឹងក ដែលបណ្ដាលឱ្យដាច់រហែកសរសៃឈាមអារទែខាងក្នុង។
គ្រូពេទ្យបានណែនាំឱ្យប្រុងប្រយ័ត្នខ្ពស់ចំពោះការម៉ាស្សាតំបន់កញ្ចឹងកនិងស្មា ដោយត្រូវជ្រើសរើសកន្លែងដែលមានជំនាញច្បាស់លាស់ និងហាមដាច់ខាតការបង្វិល បំបែក ឬប្រើកម្លាំងខ្លាំង។ ប្រសិនបើក្រោយម៉ាស្សាមានអាការៈវិលមុខ និយាយមិនច្បាស់ ស្ពឹក ឬខ្សោយមួយចំហៀងខ្លួន ត្រូវប្រញាប់ទៅមន្ទីរពេទ្យជាបន្ទាន់៕