យោងតាមការចុះផ្សាយពីប្រភពបរទេស ការរចនាបាតដបភេសជ្ជៈមានឧស្ម័នឱ្យមានជើងផតចូលជាភ្លីផ្កាទាំងប្រាំ មិនមែនជាការចៃដន្យឬគ្រាន់តែជាលម្អនោះឡើយ។
ទម្រង់ដ៏ពិសេសនេះបង្កើតឡើងដើម្បីទប់ទល់នឹងសម្ពាធកម្លាំងហ្គាសដ៏ខ្លាំងក្លានៃឧស្ម័នកាបូនិចនៅខាងក្នុង។ ជើងផតទាំងប្រាំជួយចែកចាយសម្ពាធឱ្យរំសាយបានស្មើគ្នានៅលើផ្ទៃបាតទាំងមូល ដែលការពារមិនឱ្យបាតដបប៉ោង ប្រេះ ឬបែក។
ម្យ៉ាងវិញទៀត ការរចនាបែបនេះក៏ធ្វើឱ្យដបទឹកអាចឈរបានយ៉ាងរឹងមាំនៅលើតុដោយមិនងាយរង្គើឡើយ។ ផ្ទុយពីនេះ ដបទឹកសុទ្ធធម្មតាគឺមានបាតរាបស្មើធម្មតា ព្រោះវាពុំមានផ្ទុកសម្ពាធឧស្ម័នដូចភេសជ្ជៈមានជាតិហ្គាសនោះទេ៕