យោងតាមការចុះផ្សាយពីប្រភពបរទេស អាកាសធាតុក្ដៅស្អុះស្អាប់នៅរដូវក្ដៅអាចធ្វើឱ្យរាងកាយបាត់បង់ជាតិទឹក ដែលជាហេតុធ្វើឱ្យលំហូរឈាមដំណើរការយឺតនិងប៉ះពាល់ដល់ចរន្តឈាម។
ដើម្បីជំនួយនិងពន្លឿនលំហូរឈាមឱ្យបានរលូន អ្នកជំនាញសុខភាពបានណែនាំឱ្យទទួលទានអាហារសំខាន់ៗទាំង ៣ មុខនេះ។ ក្នុងនោះរួមមានខ្ទឹមសនិងខ្ទឹមបារាំងដែលសម្បូរទៅដោយសារធាតុប្រឆាំងអុកស៊ីតកម្មជួយទប់ស្កាត់ការកកឈាមនិងធ្វើឱ្យលំហូរឈាមរត់បានស្រួល គ្រាប់វ៉ាល់ណាត់ដែលមានផ្ទុកជាតិអាស៊ីតអាមីណូជួយពង្រីកសរសៃឈាមនិងកាត់បន្ថយសម្ពាធឈាមយ៉ាងមានប្រសិទ្ធភាព ព្រមទាំងត្រីសមុទ្រសម្បូរជាតិអូមេហ្គា ៣ ដែលជួយការពារសរសៃឈាមពីការរលាកនិងជួយសម្រួលដល់ការបូមឈាមរបស់បេះដូងឱ្យកាន់តែមានសកម្មភាពល្អ៕