យោងតាមការចុះផ្សាយពីប្រភពបរទេស ទោះបីជាគ្រឿងស្រវឹងត្រូវបានគេចាត់ទុកជាក្ដីកង្វល់សុខភាពដ៏ធំមួយ ប៉ុន្តែអាហារមួយចំនួនដែលយើងទទួលទានរាល់ថ្ងៃក៏បង្កគ្រោះថ្នាក់មិនចាញ់គ្នាដែរ ប្រសិនបើបរិភោគលើសកម្រិត។
អាហារទាំង ៥ ប្រភេទដែលត្រូវប្រុងប្រយ័ត្នខ្ពស់រួមមាន៖ អាហារសម្បូរជាតិស្ករជាពិសេសទឹកផ្លែឈើច្របាច់ឬគាប អាហារបំពងនិងចៀន ភេសជ្ជៈមានជាតិហ្គាស សាច់កែច្នៃស្រាប់ និងអាហារមានជាតិប្រៃខ្លាំង។ អាហារទាំងនេះងាយធ្វើឱ្យយើងញៀន និងបង្កជំងឺរ៉ាំរ៉ៃដូចជា ទឹកនោមផ្អែម ខ្លាញ់រុំថ្លើម លើសឈាម និងជំងឺមហារីកនៅពេលអនាគត។
គន្លឹះដ៏ល្អបំផុតគឺការកាត់បន្ថយការបរិភោគ ពិនិត្យមើលកម្រិតជាតិសូដ្យូម និងងាកមកទទួលទានអាហារស្រស់ៗពីធម្មជាតិវិញ៕