យោងតាមការចុះផ្សាយពីប្រភពបរទេស បរិយាកាសក្នុងគ្រួសារដើរតួនាទីយ៉ាងសំខាន់ក្នុងការស្ថាបនាបុគ្គលិកលក្ខណៈរបស់ក្មេង។
ដើម្បីចិញ្ចឹមបីបាច់កូនឱ្យក្លាយជាមនុស្សល្អនិងចេះដឹងគុណមាតាបិតា អ្នកជំនាញចិត្តវិទ្យាបានណែនាំឱ្យមាតាបិតាដកចេញនូវទម្លាប់អវិជ្ជមានទាំង ៣ ក្នុងគេហដ្ឋាន រួមមានការទិញសម្ភារៈទំនើបនិងប្រដាប់ក្មេងលេងថ្លៃៗដើម្បីលួងលោមអារម្មណ៍ដែលបណ្តុះគំនិតអាត្មានិយម ការបំប៉នកូនលើតុអាហារនិងការមិនឱ្យប៉ះពាល់ការងារផ្ទះដែលដកហូតឱកាសកូនក្នុងការយល់ពីភាពនឿយហត់និងមិនចេះអាណិតញើសឈាម ព្រមទាំងការតាំងបង្ហាញសញ្ញាបត្រនិងពិន្ទុល្អឥតខ្ចោះដើម្បីបង្កសម្ពាធដែលធ្វើឱ្យកូនរៀនសូត្រដោយការភ័យខ្លាច។
ការកសាងកូនឱ្យមានក្តីមេត្តាគឺការកាត់បន្ថយសម្ភារៈ បែងចែកការទទួលខុសត្រូវ និងផ្តល់ក្តីស្រឡាញ់ដោយឥតលក្ខខណ្ឌ ទើបកូនចេះដឹងគុណពិតប្រាកដ៕