យោងតាមការចុះផ្សាយពីប្រភពបរទេស សួនច្បារដ៏ស្រស់ស្អាតមិនត្រឹមតែអាចមើលឃើញដោយភ្នែកប៉ុណ្ណោះទេ តែគន្លឹះនៃក្លិនក្រអូបក៏ជាកត្តាសំខាន់ជួយផ្លាស់ប្ដូរអារម្មណ៍ឱ្យស្រស់ស្រាយ និងមានភាពស្ងប់ស្ងាត់ផងដែរ។
រុក្ខជាតិក្រអូបទាំង ៥ ប្រភេទដែលផ្ដល់ទាំងក្លិនក្រអូបនិងអត្ថន័យល្អក្នុងហុងស៊ុយរួមមាន៖ ផ្កាម្លិះមានក្លិនក្រអូបដែលកាន់តែឆួលនៅពេលយប់ ជួយនាំមកនូវទ្រព្យសម្បត្តិនិងភាពរុងរឿង។ ផ្កាឡាវេនឌឺរផ្កាពណ៌ស្វាយស្រស់ស្អាតជួយបន្ធូរអារម្មណ៍តានតឹង និងជាតំណាងនៃសេចក្ដីសុខសំណាង។ ផ្កាកុលាបត្រូវបានចាត់ទុកជាមហាក្សត្រីនៃផ្កា ជួយនាំមកនូវថាមពលវិជ្ជមាន សំណាង និងសេចក្ដីស្រឡាញ់។ ផ្កាយប់ជារុក្ខជាតិបញ្ចេញក្លិននៅពេលយប់ ស័ក្តិសមបំផុតសម្រាប់ដាំនៅក្បែររានហាល ឬកន្លែងអង្គុយលំហែ។ ជីរអង្កាមផ្ដល់ក្លិនស្រស់ស្រាយពីស្លឹក ងាយស្រួលដាំក្នុងផើង និងអាចយកមកប្រើប្រាស់ក្នុងជីវភាពប្រចាំថ្ងៃដូចជាធ្វើភេសជ្ជៈ។
មុនពេលសម្រេចចិត្តដាំ គប្បីជ្រើសរើសប្រភេទរុក្ខជាតិឱ្យស្របតាមអាកាសធាតុ ពន្លឺ និងសុខភាពរបស់សមាជិកក្នុងគ្រួសារ៕