ប្រយ័ត្ន! មនុស្ស ៤ ប្រភេទនេះហាត់ប្រាណកាន់តែខ្លាំង គ្រោះថ្នាក់កាន់តែខ្លាំងដែរ

យោងតាមការចុះផ្សាយពីប្រភពបរទេស ទោះបីជាការហាត់ប្រាណផ្តល់ប្រយោជន៍ច្រើនដល់សុខភាព ប៉ុន្តែការហាត់មិនត្រូវពេល ឬហួសកម្លាំងអាចបង្កហានិភ័យដល់ជីវិត។

ក្រុមមនុស្សទាំង ៤ ប្រភេទដែលត្រូវប្រុងប្រយ័ត្នខ្ពស់រួមមាន៖ អ្នកដែលខ្វះដំណេកនិងអស់កម្លាំងខ្លាំង អ្នកទើបជាសះស្បើយពីជំងឺ អ្នកដែលមានសម្ពាធឈាម ជាតិស្ករ និងកូឡេស្តេរ៉ុលខ្ពស់ និងអ្នកដែលមានជំងឺបេះដូងស្រាប់។

ដើម្បីសុខភាពល្អ គួរចាប់ផ្តើមហាត់ពីកម្រិតស្រាល សម្រាកឱ្យបានគ្រប់គ្រាន់ និងស្តាប់សញ្ញារាងកាយជានិច្ច៕