យោងតាមការចុះផ្សាយពីប្រភពបរទេស ភាពវៃឆ្លាតរបស់កុមារតូចមិនមែនវាស់វែងត្រឹមពិន្ទុឡើយ ប៉ុន្តែវាត្រូវបានបង្ហាញតាមរយៈការចាប់អារម្មណ៍រឿងជុំវិញខ្លួន ការផ្ចង់អារម្មណ៍បានយូរ ការចេះនិយាយលឿននិងចោទសួរច្រើន ការយល់ដឹងពីអារម្មណ៍អ្នកដទៃ ព្រមទាំងចូលចិត្តរុករកនិងដោះស្រាយបញ្ហាដោយខ្លួនឯង។
ដើម្បីអភិវឌ្ឍស្មារតីកូន បរិយាកាសជុំវិញខ្លួនដើរតួនាទីយ៉ាងសំខាន់ ដោយឪពុកម្ដាយគួរបង្កើតបរិយាកាសសុវត្ថិភាព លើកទឹកចិត្តឱ្យមានការលេងសើច សន្ទនា អានសៀវភៅរួមគ្នា និងរុករកធម្មជាតិ ជាជាងការបង្ខំឱ្យទន្ទេញចាំចំណេះដឹងមុនអាយុ៕