យោងតាមការចុះផ្សាយពីប្រភពបរទេស ការទទួលទានផ្លែឈើស្រស់ៗនិងបន្លែជួយកាត់បន្ថយហានិភ័យនៃជំងឺបេះដូងនិងជំងឺដាច់សរសៃឈាមខួរក្បាលយ៉ាងមានប្រសិទ្ធភាព។
ផ្លែឈើទាំង ៥ ប្រភេទដែលជាជម្រើសសំណព្វចិត្តរបស់ក្រុមវេជ្ជបណ្ឌិតជំនាញរួមមាន ផ្លែឈើត្រកូលបឺរី សម្បូរទៅដោយសារធាតុប្រឆាំងអុកស៊ីតកម្មការពារការរលាក កាត់បន្ថយការកកស្ទះបន្ទះខ្លាញ់និងជួយបញ្ចុះសម្ពាធឈាម ផ្លែប៉ោមជាប្រភពដ៏ល្អនៃជាតិសរសៃវីតាមីនសេនិងសារធាតុប៉ូលីហ្វេណុលជួយកាត់បន្ថយកម្រិតកូឡេស្តេរ៉ុលអាក្រក់ ផ្លែឪឡឹកសម្បូរជាតិប៉ូតាស្យូមម៉ាញេស្យូមនិងសារធាតុឡាយកូពីនជួយកាត់បន្ថយហានិភ័យនៃជំងឺដាច់សរសៃឈាមខួរក្បាល ផ្លែទំពាំងបាយជូរមានផ្ទុកសារធាតុគីមីរុក្ខជាតិដូចជាអង់តូស្យានីនការពារបេះដូងតាមរយៈការប្រឆាំងការរលាកនិងបន្ថយជាតិខ្លាញ់ក្នុងឈាម និងផ្លែបឺរផ្ទុកជាតិខ្លាញ់ល្អជួយកាត់បន្ថយកូឡេស្តេរ៉ុលអាក្រក់ដោយមិនបង្កឱ្យឡើងទម្ងន់ឡើយបើទទួលទានក្នុងកម្រិតសមស្រប។
គ្រូពេទ្យជំនាញបានណែនាំឱ្យទទួលទានផ្លែឈើដែលមានពណ៌ស្រស់ស្អាតតាមរដូវកាលឱ្យបានចម្រុះមុខជារៀងរាល់ថ្ងៃ ដើម្បីទទួលបានសារធាតុចិញ្ចឹមគ្រប់គ្រាន់សម្រាប់ទ្រទ្រង់សុខភាពបេះដូង៕