ហេតុអ្វីក្រួសតម្រងនោមមានទម្រង់ផ្សេងគ្នា និងដំណោះស្រាយដោយមិនបាច់វះកាត់

យោងតាមការចុះផ្សាយពីប្រភពបរទេស ក្រួសក្នុងតម្រងនោមមានរូបរាង ពណ៌ និងទំហំខុសៗគ្នា អាស្រ័យលើទីតាំងនិងអាយុកាលរបស់វា។ ក្រួសដែលស្ថិតនៅកន្លែងទឹកនោមហូរខ្លាំងមានរាងមូលរលោង ចំណែកឯក្រួសកប់ក្នុងគន្លាក់តូចចង្អៀតមានរាងស្រួចៗដូចផ្កាថ្ម។

ទន្ទឹមនឹងនេះ ក្រួសកកើតយូរឆ្នាំមានស្រទាប់ពណ៌ច្រើនជាន់ រីឯក្រួសទើបកើតមានពណ៌តែមួយនិងទំហំតូច។ បច្ចុប្បន្ន គ្រូពេទ្យមិនចាំបាច់វះកាត់ពុះតម្រងនោមដើម្បីយកក្រួសដូចមុនទៀតឡើយ ដោយងាកមកប្រើបច្ចេកវិទ្យាទំនើបគ្មានការឈឺចាប់និងមានសុវត្ថិភាពខ្ពស់។

អ្នកជំនាញណែនាំឱ្យឧស្សាហ៍ពិនិត្យសុខភាពនិងទទួលទានទឹកឱ្យបានច្រើន ដើម្បីការពារកុំឱ្យក្រួសកកើតនិងរីកធំ៕