យោងតាមការចុះផ្សាយពីប្រភពបរទេស ការសិក្សាស្រាវជ្រាវថ្មីបានបង្ហាញថា ការទទួលទានស៊ុតជាង ១២ គ្រាប់ក្នុងមួយសប្ដាហ៍ មិនធ្វើឱ្យកម្រិតកូឡេស្តេរ៉ុលអាក្រក់កើនឡើងក្នុងឈាមនោះទេ។
អ្នកជំនាញបញ្ជាក់ថា កូឡេស្តេរ៉ុលក្នុងអាហារមិនប៉ះពាល់ផ្ទាល់ដល់កូឡេស្តេរ៉ុលក្នុងឈាមឡើយ សូម្បីតែអ្នកជំងឺទឹកនោមផ្អែម ក៏អាចញ៉ាំស៊ុត១ដល់២គ្រាប់ក្នុងមួយថ្ងៃបានយ៉ាងសុវត្ថិភាព។ ប៉ុន្តែ ត្រូវចម្អិនដោយវិធីស្ងោរ ឬចំហុយ និងជៀសវាងការចៀនបំពងខ្លាញ់ច្រើន។
ជំនួសឱ្យការបារម្ភពីរឿងស៊ុត អ្នកគួរផ្តោតលើការកាត់បន្ថយស្ករ និងហាត់ប្រាណទើបជាការល្អ៕