បញ្ហាលើគ្រែរបស់ស្ត្រី៖ វ័យ អតុល្យភាព និងគន្លឹះដោះស្រាយ

យោងតាមការចុះផ្សាយពីប្រភពបរទេស តម្រូវការរួមភេទរបស់ស្ត្រីមិនមានកម្រិតកំណត់ជាតួលេខច្បាស់លាស់ទេ ដោយអាស្រ័យលើភាពសុខដុមនិងការពេញចិត្តនៃគូស្វាមីភរិយា។

យ៉ាងណាមិញ ចំណង់ផ្លូវភេទប្រែប្រួលតាមវ័យនិងកាលៈទេសៈ ដោយវ័យ២០ទៅ៣០ឆ្នាំមានចំណង់ខ្លាំងក្លា តែចូលដល់វ័យ៣០ដល់៤០ឆ្នាំចំណង់ចាប់ផ្តើមធ្លាក់ចុះដោយសារស្រ្តេស បន្ទុកការងារ និងការចិញ្ចឹមកូន។ លុះឈានចូលវ័យ៤៥ទៅ៥០ឆ្នាំជាវ័យអស់រដូវ អ័រម៉ូនធ្លាក់ចុះធ្វើឱ្យស្ងួតនិងឈឺចាប់ពេលរួមភេទ។ ក្រៅពីនេះ ជំងឺប្រចាំកាយ ថ្នាំពេទ្យ និងភាពតានតឹងក្រោយសម្រាលក៏ជាកត្តារារាំងចំណង់ផ្លូវភេទផងដែរ។

ដូច្នេះ ការយល់ចិត្ត លើកទឹកចិត្ត និងការជួយរំលែកបន្ទុកពីស្វាមី គឺជាគន្លឹះសំខាន់បំផុតក្នុងការជួយស្ត្រីឱ្យមានភាពកក់ក្តៅនិងរីករាយក្នុងជីវិតគូ៕