យោងតាមការចុះផ្សាយពីប្រភពបរទេស ស្ត្រីម្នាក់អាយុមិនដល់ ៥០ ឆ្នាំ បានធ្លាក់ខ្លួនឈឺមហារីកផ្លូវទឹកប្រមាត់ដំណាក់កាលចុងក្រោយ ដោយសារទម្លាប់ធ្វើការយប់ជ្រៅ ញ៉ាំអាហារកុម្ម៉ង់ញឹកញាប់ និងមានភាពតានតឹងខ្លាំង។
អ្នកជំងឺបានព្រងើយកន្តើយនឹងអាការៈឈឺពោះយូររហូតដល់មានសញ្ញាធ្ងន់ធ្ងរដូចជា ស្បែកនិងភ្នែកឡើងលឿង រមាស់ខ្លាំង និងទឹកនោមពណ៌ចាស់ ទើបរកឃើញដុំសាច់មហារីកស្ទះផ្លូវទឹកប្រមាត់។ ទោះបីការញ៉ាំអាហារកុម្ម៉ង់មិនមែនជាមូលហេតុផ្ទាល់ ប៉ុន្តែការរស់នៅគ្មានតុល្យភាពគឺជាកត្តាគ្រោះថ្នាក់។
សូមប្រញាប់ទៅពិនិត្យសុខភាពជាបន្ទាន់ ប្រសិនបើមានអាការៈឈឺពោះ រមាស់ ឬស្បែកឡើងលឿង ដើម្បីព្យាបាលទាន់ពេលវេលា៕