យោងតាមការចុះផ្សាយពីប្រភពបរទេស ក្មេងដែលមានសក្តានុពលក្លាយជាអ្នកមាន និងជោគជ័យនាពេលអនាគត តែងតែបង្ហាញចេញនូវលក្ខណៈពិសេសមួយចំនួនតាំងពីតូចដែលឪពុកម្ដាយគួរយកចិត្តទុកដាក់បណ្ដុះបណ្ដាល។
លក្ខណៈទាំងនោះរួមមាន សមត្ថភាពងើបឡើងវិញយ៉ាងឆាប់រហ័សក្រោយជួបការបរាជ័យដោយមិនបោះបង់គោលដៅ ការមានបញ្ញាផ្លូវអារម្មណ៍ខ្ពស់ដែលធ្វើឱ្យពួកគេពូកែទំនាក់ទំនង និងចុះសម្រុងជាមួយអ្នកដទៃ ការយល់ដឹងពីតម្លៃនៃប្រាក់និងចេះគ្រប់គ្រងហិរញ្ញវត្ថុដោយមិនចំណាយខ្ជះខ្ជាយ និងចុងក្រោយគឺភាពម្ចាស់ការលើខ្លួនឯងដោយមិនរង់ចាំការជួយពីអ្នកដទៃ ឬបន្ទោសបញ្ហាដែលកើតឡើង។
ការបណ្ដុះចំណុចទាំងនេះតាំងពីកុមារភាព គឺជាមូលដ្ឋានគ្រឹះដ៏រឹងមាំដែលជួយឱ្យកូនចេះសម្របខ្លួន រកដំណោះស្រាយ និងសម្រេចបាននូវភាពឯករាជ្យក្នុងជីវិតការងារ និងអាជីវកម្មនៅពេលធំឡើង៕