យោងតាមការចុះផ្សាយពីប្រភពបរទេស ជំងឺទឹកនោមផ្អែមប្រភេទទី ២ តែងវិវត្តដោយស្ងៀមស្ងាត់ ប៉ុន្តែអ្នកអាចសង្កេតឃើញសញ្ញាព្រមាន ៣ យ៉ាងនៅពេលភ្ញាក់ពីគេង៖
ទីមួយគឺការស្រេកទឹកខ្លាំងខុសធម្មតា ទោះបីផឹកទឹកគ្រប់គ្រាន់។ ទីពីរគឺអារម្មណ៍ឃ្លានអាហារជាប់រហូត ព្រោះរាងកាយមិនអាចបំប្លែងស្ករទៅជាថាមពលបាន។ ទីបីគឺការនោមញឹកញាប់ ឬការភ្ញាក់ពីដំណេកដើម្បីទៅបន្ទប់ទឹកជាញឹកញាប់។
ប្រសិនបើមានរោគសញ្ញាទាំងនេះ អ្នកគួរប្រញាប់ទៅជួបគ្រូពេទ្យដើម្បីពិនិត្យឈាមឱ្យបានឆាប់រហ័ស ព្រោះការរកឃើញជំងឺនៅដំណាក់កាលដំបូង គឺជាកត្តាសំខាន់បំផុតក្នុងការគ្រប់គ្រង និងការពារហានិភ័យនៃផលវិបាកធ្ងន់ធ្ងរទៅថ្ងៃមុខ៕