ជំងឺរលាកសន្លាក់ហ្គោដគឺជាជំងឺរលាកសន្លាក់មួយប្រភេទដែលមានការឈឺចាប់ ហើម និងរលាកសន្លាក់ភ្លាមៗ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ពាក់កណ្តាលនៃករណីជំងឺរលាកសន្លាក់ហ្គោដទាំងអស់គឺប៉ះពាល់ទៅលើម្រាមមេជើង ខណៈពេលដែលខ្លះទៀតប៉ះពាល់ទៅលើម្រាមដៃ កដៃ ជង្គង់ និងកែងជើង។
អាការៈជំងឺរលាកសន្លាក់កើតឡើងនៅពេលដែលមានចំនួនអាស៊ីតអ៊ុយរិកក្នុងឈាមឡើងខ្ពស់។ អាស៊ីតអ៊ុយរិកគឺជាផលិតផលកាកសំណល់ដែលកើតឡើងពីការរំលាយអាហារ។ នៅពេលចំនួនអាស៊ីតអ៊ុយរិកឡើងខ្ពស់ សារធាតុគ្រីស្តាលរបស់វាអាចប្រមូលផ្តុំក្នុងសន្លាក់បាន ដែលជាហេតុនាំឲ្យហើម រលាក និងឈឺចាប់ខ្លាំង។ ជាធម្មតាជំងឺនេះកើតឡើងនៅពេលយប់ យូរបំផុត ៣ ទៅ ១០ថ្ងៃ។ មនុស្សភាគច្រើនដែលមានបញ្ហានេះ គឺដោយសារតែរាងកាយមិនអាចបញ្ចេញអាស៊ីតអ៊ុយរិកគ្រប់គ្រាន់ ខណៈពេលដែលខ្លះទៀតដោយសារតែហ្សែន ឬរបបអាហារ។
បើសិនជាអ្នកសង្ស័យថាខ្លួនឯងមានការធ្វើទុក្ខរបស់ជំងឺរលាកសន្លាក់ហ្គោដ ចូរចៀសវាងអាហារដែលជាដើមហេតុរបស់វា ជាពិសេសអាហារមានជាតិ Purine ខ្ពស់តែម្តង។ អ្នកក៏គួរតែចៀសវាងអាហារណាមានជាតិ Fractose ខ្ពស់ដែរ។ (អាន:ថ្នាំងងុយគេង ពេលអ្នកគួរប្រើ)ខាងក្រោមនេះគឺជាអាហារខ្លះៗដែលអ្នកគួរតែចៀសវាង៖
- រាល់សាច់គ្រឿងក្នុងទាំងអស់៖ ថ្លើម ក្រលាន និងខួរ
- សាច់សត្វ
- ត្រី៖ ត្រីធូណា សាឌីន និងផ្សេងៗទៀត
- អាហារសមុទ្រ៖ លៀសសមុទ្រ ក្តាម បង្គា ជាដើម
- ភេសជ្ជៈផ្អែម៖ ទឹកផ្លែឈើ និងភេសជ្ជៈមានជាតិហ្គាស
- ការបន្ថែមស្ករ៖ ទឹកឃ្មុំ សេរ៉ូពោតផ្អែមៗ
លើសពីនេះទៅទៀត កាបូអ៊ីដ្រាតកៃឆ្នៃដូចជា នំខេក និងនំស្រួយគួរតែចៀសវាងដែរ។ ថ្វីបើវាមិនមានសារធាតុ Purine ឬ Fructose ខ្ពស់ក៏ដោយ ក៏វាមានជីវជាតិតិច និងអាចបង្កើនចំនួនអាស៊ីតអ៊ុយរិកបានដែរ៕
