កូឡេស្តេរ៉ុលត្រូវបានបង្កើតឡើងក្នុងថ្លើម ហើយក៏មានមុខងារសំខាន់ៗច្រើនដែរ។ ឧទាហរណ៍ វាអាចជួយថែរក្សាជញ្ជាំងរបស់កោសិកាឲ្យមានភាពបត់បែន និងជាតម្រូវការសម្រាប់បង្កើតអ័រម៉ូនជាច្រើនផងដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យ៉ាងណាមិញ ការដែលមានកូឡេស្តេរ៉ុលច្រើនពេក ឬមានការកកកុញខុសកន្លែង អាចបង្កជាបញ្ហាវិញ។ 

កូឡេស្តេរ៉ុលមានពីរប្រភេទខុសៗគ្នា គឺកូឡេស្តេរ៉ុលអាក្រក់ឬហៅថា LDL ដែលអាចនាំឲ្យកកកជាប់ជញ្ជាំងសរសៃឈាម ធ្វើឲ្យស្ទះសរសៃឈាមអាក់ទែ ដាច់សរសៃឈាមខួរក្បាល គាំងបេះដូង និងខ្សោយតម្រងនោម។ មួយវិញទឿតគឺកូឡេស្តេរ៉ុលល្អ ឬហៅថា HDL សម្រាប់ដឹកជញ្ជូនកូឡេស្តេរ៉ុលចេញពីជញ្ជាំងសរសៃឈាម និងជួយបង្ការជំងឺខាងលើវិញ។ 

ជាតិសរសៃរលាយគឺជាជីវជាតិមួយប្រភេទបានមកពីរុក្ខជាតិ ដែលវាអាចរលាយក្នុងទឹក ហើយមនុស្សយើងមិនអាចរំលាយបានឡើយ។ ប៉ុន្តែបាក់តេរីមានប្រយោជន៍ដែលរស់នៅក្នុងពោះវៀន អាចរំលាយជាតិសរសៃរលាយនេះបាន។ តាមពិតទៅ វាត្រូវជាតិសរសៃសម្រាប់ជីវជាតិវាផង។(អាន:ថ្នាំងងុយគេង ពេលអ្នកគួរប្រើ) បាក់តេរីល្អៗទាំងនេះអាចបន្ថយចំនួនកូឡេស្តេរ៉ុលគ្រោះថ្នាក់ ជាពិសេស កូឡេស្តេរ៉ុលអាក្រក់បានដែរ។ 

តាមការសិក្សាមួយដែលធ្វើទៅលើមនុស្សធំប្រមាណ ៣០នាក់ បានឲ្យដឹងថា ការញ៉ាំថ្នាំបំប៉នជាតិសរសៃរលាយ ៣ក្រាមជារៀងរាល់ថ្ងៃរយៈពេល ១២សប្តាហ៍ បានបន្ថយចំនួនកូឡេស្តេរ៉ុលអាក្រក់បាន ១៨ភាគរយ។ ជាតិសរសៃរលាយក៏អាចជួយបង្កើនប្រសិទ្ធភាពថ្នាំបញ្ចុះកូឡេស្តេរ៉ុលផងដែរ។ តាមការសិក្សារយៈពេល ១២សប្តាហ៍ទៅលើមនុស្សធំប្រមាណ ៦៨នាក់ ដែលគេបន្ថែមផលិតផល Psyllium Product Metamucil ១៥ក្រាម ទៅក្នុងថ្នាំបញ្ចុះកូឡេស្តេរ៉ុល Simvastatin ១០មីលីក្រាមជារៀងរាល់ថ្ងៃ បានរកឃើញថា វាមានប្រសិទ្ធភាពដូចការលេបថ្នាំបញ្ចុះកូឡេស្តេរ៉ុល ២០មីលីក្រាមដោយមិនមានជាតិសរសៃអ៊ីចឹងដែរ។ 

អត្ថប្រយោជន៍របស់ជាតិសរសៃរលាយនឹងទៅបន្ថយការប្រឈមជំងឺដែរ។ ការសិក្សាដ៏ធំមួយបានរកឃើញថា ការញ៉ាំជាតិសរសៃទាំងរលាយ និងមិនរលាយអាចបន្ថយការប្រឈមនឹងការស្លាប់ច្រើនជាង ១៧ឆ្នាំ ដែលវាស្មើនឹង ១៥ភាគរយដែរ។ 

ប្រភពជាតិសរសៃល្អបំផុតមួយចំនួនមានដូចជា សណ្តែក ផ្លែឈើ ស្រូវអូដ និងគ្រាប់ធញ្ជាតិ។ ថ្នាំបំប៉នជាតិសរសៃដូចជា Psyllium ក៏មានសុវត្ថិភាពប្រើប្រាស់ ហើយមិនថ្លៃដែរ៕