យោងតាមការចុះផ្សាយពីប្រភពបរទេស ការញ៉ាំអាហារពេលយប់ ឬញ៉ាំអាហារក្បែរម៉ោងចូលគេង គឺជាទម្លាប់ដែលបំផ្លាញសុខភាពថ្លើមដោយស្ងៀមស្ងាត់។
បើតាមអ្នកជំនាញ ការញ៉ាំអាហារយឺតពេលធ្វើឱ្យរំខានដល់ “នាឡិកាជីវសាស្ត្រ” របស់ថ្លើម ដែលជះឥទ្ធិពលអវិជ្ជមានដល់ការគ្រប់គ្រងជាតិស្ករ ការដុតបំផ្លាញខ្លាញ់ និងបង្កើនហានិភ័យនៃជំងឺខ្លាញ់រុំថ្លើម។ ដើម្បីការពារថ្លើម អ្នកគួរកំណត់ពេលវេលាញ៉ាំអាហារពេលល្ងាចឱ្យបានមុនម៉ោងចូលគេងយ៉ាងហោចណាស់ពីរបីម៉ោង និងចៀសវាងអាហារដែលមានជាតិស្ករ ឬខ្លាញ់ខ្ពស់។
ប្រសិនបើឃ្លាន អ្នកអាចជ្រើសរើសអាហារសម្រន់តិចតួចដែលងាយរំលាយ។ ការរក្សាទម្លាប់ញ៉ាំអាហារត្រឹមត្រូវ ហាត់ប្រាណទៀងទាត់ និងគេងឱ្យបានគ្រប់គ្រាន់ គឺជាគន្លឹះដ៏សំខាន់ក្នុងការថែរក្សាថ្លើមឱ្យមានសុខភាពល្អ៕