យោងតាមការចុះផ្សាយពីប្រភពបរទេស ក្នុងរដូវក្ដៅនេះ សណ្ដែកកួរមិនត្រឹមតែជាបន្លែដែលមានតម្លៃសមរម្យប៉ុណ្ណោះទេ ប៉ុន្តែវាថែមទាំងត្រូវបានគេចាត់ទុកជា “ស្ដេចកាល់ស្យូម” ដែលមានបរិមាណសារធាតុចិញ្ចឹមលើសពីសណ្តែកសៀង និងសាច់មាន់ទៅទៀត។
បន្លែនេះសម្បូរទៅដោយកាល់ស្យូម វីតាមីន K (ជួយឱ្យឆ្អឹងរឹងមាំ) ជាតិសរសៃ វីតាមីន C និងប៉ូតាស្យូម ដែលមានអត្ថប្រយោជន៍ចម្បង ៤ យ៉ាង៖ ជួយសម្រួលដល់ប្រព័ន្ធរំលាយអាហារ ទប់ស្កាត់អាការទល់លាមក ជួយគ្រប់គ្រងទម្ងន់ឱ្យមានសុខភាពល្អ ថែរក្សាសុខភាពបេះដូងតាមរយៈការគ្រប់គ្រងសម្ពាធឈាម និងពង្រឹងប្រព័ន្ធភាពស៊ាំឱ្យរឹងមាំ។
ដើម្បីទទួលបានសុវត្ថិភាព និងរក្សាគុណតម្លៃអាហារូបត្ថម្ភបានពេញលេញ អ្នកគួរចម្អិនបន្លែនេះឱ្យឆ្អិនល្អតាមរយៈការស្ងោរ ឬឆាជាមួយខ្ទឹមស ប៉ុន្តែត្រូវចៀសវាងការចម្អិនយូរពេកក្នុងកម្ដៅខ្លាំង៕